Lea eta Artibai ibaiek sortutako haranen arteko mendien gailurretatik zeruaren paraleloan itsasoraino hedatzen den paisaia natural ederra ikusten da.
Ondarroako hirigunea kostaldea kolorez betetzen duten marinelen etxez josita dago; itsasotik nahiz barruko aldetik ikusten dira. Hirigunearen alde zaharra Erdi Aroko lau kalek osatzen dute, Santa Maria Elizan bat egiten dutenak; eliza hau babeserako eraikia izan zen.
Funtsean, paisaiaren bideak hartu nahi dira ibilbide honen bitartez. Eta horregatik, haitz-egitura bitxietan zehar sartuko gara Aretxinagako San Migel baselizaren fatxadaraino iritsi arte. Baseliza barroko eder hau XVIII. mendean eraikitakoa da eta kondaira liluragarria gordetzen du.
Bidean aurrera eginez, eta Oiz menditik gertu, harriztatutako galtzada batek Zenarruzako kolegio-elizaren arte gotikoa eta Bolibar herria, libratzaile ezagunaren jaioterria, lotuko ditu.
