Ibilbidea: Iruña, Gares, Eunate, Lizarra.
Iruña, Lizarra eta Gares Europatik penintsularen barneko alderako bide lerrozuzenean sortu zirela ematen du. Komunikaziorako bide berri honi esker merkataritza, artea, eta, nola ez, Santiagora zihoazen erromesak iritsi ziren Nafarroara.
Santiago Bidearen beste hainbat bide garrantzitsuren arteko topaleku izanik, Nafarroako bizkarrezur honetan erromaniko zibilaren adibide garrantzitsuak topa ditzakegu: Nafarroako erregeen jauregia Lizarran edo misterioz eta istorio bitxiez betetako eliza erromaniko bakartia: Eunateko Andre Mariarena.
Erromesak beti ezberdinak dira, baina bideko ibai eta zubiak, aldiz, beti berberak, Arga ibairen gainetik pasatzen den Garesko Erreginaren Zubia, adibidez, gaztelaniaz herriari izena ematen diona.
Puntu erdiko zazpi arku ditu, horietako bat lurperatua, eta erromanikoaren eta Santiago Bideko monumentuen artean adibiderik ederrenetakoa da.
Handik oso gertu, aspaldiko historiako bidea utzi gabe, Iruñean izango gara, antzinatasun eta historia handiko hirian. Igarobide eta atsedenlekua, alde zaharra altxor artistiko paregabea da: merkatuak, ospitale zaharrak, elizak, fatxada barroko apartak eta bereziki katedrala.
Hiri bateko bizimodu erlijioso eta zibila ezagutuz artea ulertzen laguntzen duen ibilaldia.