Euskadi Literatura Sariak euskal literaturaren itsasargia ditugu. Hauen xedea, argitaratutako literatura lanen artean kalitaterik handienekoei eta beren egileei merezi duten ospea eskaintzea da eta idazlanen, egileen eta oro har Euskal Herriko literaturaren sustapena eta hedapena bultzatzea. Turistak irentsi egiten du. Bidaiariak, ostera, zaporeatu. Turista erlojupekoan doa ia-ia, itzulera eguna buruan duela. Bidaiariak denbora du, eta agian ez daki noiz bueltatuko den ere. Turistak era programatuan bidaiatzen du, eta normalki taldean. Bisita gidatuen aldeko, horrela ez du denborarik galduko eta ikusi beharrekoak ikusi ahalko ditu, argazki kamera eta bideokamera eskuetan. Bidaiaria, berriz, ezustekoen eta imajinaezinaren bila dabil. Turistak ez du patuaren menpe geratzerik nahi. Gehienera esango du medina batean galdu dela eta oso alfonbra merkea erosi duela, tratua egiten oso ona delako. Aldiz, bidaiariak, besteen artean eta besteekin, Anton Abadiak zioen moduan, ikusi eta ikasi egingo du. Hori da, hain zuzen gertatzen dena liburu bat irakurtzeari heltzen diogunean: bidaiariak bihurtzen gara, bestelako munduak ezagutzeko pasaportea dugularik; beharbada hemendik gertu eta aldi berean gugandik oso urruti; edo hemendik urrun eta gugandik oso gertu. Beste jende mota bat, beste pentsamolde bat, intrigak eta sentimenduak deskubritzeko eta partekatzeko gonbita dugu literatura. Horregatik uste dut literatura pertsonen arteko zubi eder bat dela. Gurutzatu dezagun zubi hori 2007ko Euskadi Literatura Sariak irakurriz!
Euskadi Literatura Sariak euskal literaturaren itsasargia ditugu. Hauen xedea, argitaratutako literatura lanen artean kalitaterik handienekoei eta beren egileei merezi duten ospea eskaintzea da eta idazlanen, egileen eta oro har Euskal Herriko literaturaren sustapena eta hedapena bultzatzea. Turistak irentsi egiten du. Bidaiariak, ostera, zaporeatu. Turista erlojupekoan doa ia-ia, itzulera eguna buruan duela. Bidaiariak denbora du, eta agian ez daki noiz bueltatuko den ere. Turistak era programatuan bidaiatzen du, eta normalki taldean. Bisita gidatuen aldeko, horrela ez du denborarik galduko eta ikusi beharrekoak ikusi ahalko ditu, argazki kamera eta bideokamera eskuetan. Bidaiaria, berriz, ezustekoen eta imajinaezinaren bila dabil. Turistak ez du patuaren menpe geratzerik nahi. Gehienera esango du medina batean galdu dela eta oso alfonbra merkea erosi duela, tratua egiten oso ona delako. Aldiz, bidaiariak, besteen artean eta besteekin, Anton Abadiak zioen moduan, ikusi eta ikasi egingo du. Hori da, hain zuzen gertatzen dena liburu bat irakurtzeari heltzen diogunean: bidaiariak bihurtzen gara, bestelako munduak ezagutzeko pasaportea dugularik; beharbada hemendik gertu eta aldi berean gugandik oso urruti; edo hemendik urrun eta gugandik oso gertu. Beste jende mota bat, beste pentsamolde bat, intrigak eta sentimenduak deskubritzeko eta partekatzeko gonbita dugu literatura. Horregatik uste dut literatura pertsonen arteko zubi eder bat dela. Gurutzatu dezagun zubi hori 2007ko Euskadi Literatura Sariak irakurriz!