107/2007 Dekretua (pdf, 104 kB), ekainaren 26koa, Euskal Autonomi Erkidegoan ikus-entzunezkoen produkzioa sustatzeko finantziazioa arautzen duena. Dekretu honen bidez, Kultura Sailaren apustua da berariazko finantziazio-lerro bat ezartzea. Ildo horretatik, ikus-entzunezko produkzioa sustatzeko garatu eta erabiliko diren finantza-tresnek, itzuli beharrik gabeko diru-laguntzen ohiko sistema gaindituz, beste aukera batzuk eskainiko dituzte nagusiki: aurrerakin itzulgarriak edo interes-tasa  txikiko maileguak, oinarri teknologiko edo berritzailea duten enpresentzako beste programa batzuetan egiten den bezala.

Hauek dira finantzazio-lerroak:

• Interés-tasarik gabeko mailegu itzulgarriak. Lerro honetan ikus-entzunezko lanaren kostuaren %30ekoak izango dira gehienez. Ikus-entzunezko produkzio bakoitzeko, 600.000 euro eman daiteke, gehienez, urtean.
• Kontratuak finantzatzeko maileguak. Eskatzaileei, gehienez, ikus-entzunezko lanaren gaineko eskubideen erosketa-prezioaren %100 ordainduko zaie.

Dekretu honetan arautzen diren laguntzak pertsona juridiko pribatu independenteek eskatu ahal izango dituzte, baldin eta, beren jarduera ikus-entzunezkoen berariazko alorrean burutu eta Europako Batasunean legez eratutakoak izanik, EAEn establezimendu iraunkorra badute eta alta emanda badute Ekonomia Jardueren gaineko Zergako ikus-entzunezkoen produkzio epigrafean.

Ekitaldi bakoitzari dagozkion zuzkidurak jakinarazten dituen Aginduak hiru hilabetera arteko segidako hiru aldi ezarri ahalko dira, gehienez, eskabideak aurkezteko, betiere baldintza batekin: ez da aldi horietako bateko eskabiderik irekiko aurreko aldirako aurreikusitako zuzkidurak agortu badira.

Argibide gehiagotarako:

• 107/2007 DEKRETUA (pdf, 104 kB), ekainaren 26koa, Euskal Autonomia Erkidegoan ikus-entzunezkoen produkzioa sustatzeko finantziazioa arautzen duena.
• 214/2008 DEKRETUA (pdf, 113 kB), abenduaren 16koa, Euskal Autonomia Erkidegoan ikus-entzunezkoen produkzioa sustatzeko finantzazioa arautzen duena.
• AGINDUA, 2010eko irailaren 6koa (pdf, 225 kB), Kulturako sailburuarena, Euskal Autonomia Erkidegoan ikus-entzunezkoen produkzioa sustatzeko finantzaketa-erregimenaren 2010erako deialdia egiten duena ekainaren 26ko 107/2007 Dekretuak ezarritako esparruaren barruan.