Megalito multzo eder hau Oindi mendiko hego ekialdeko zabalgune batean aurkitzen da. Lau mairubaratzek, zista bikoitz batek eta bi zehazgabeko egiturak eratzen dute multzoa. Bertako hareharri eta konglomeratuaz eginak daude. Multzo hau, 1983-1985 tartean J. Peñalverrek industu zuen eta ondoren berriztatua izan da.
Mairubaratz handienaren diametroa 5.6 metrokoa da eta 31 lekukok osatzen dute peristalitoa, hauen artean 1.5 m altuerako bat nabarmentzen delarik.
Beste bat 4.8 m diametrokoa da eta 18 lekukok osatzen dute, hauetako bi ia metro t'erdi altuerakoak direlarik.
Multzo honetan bada beste monolito bat, altuera berdintsukoa.
