Bostgarren eta seigarren irudi sortetara heltzeko, estalagmita edo troska mantu batean gora abiatu behar da, konkrezio beraren beste alderdi batek osatzen duen arku txiki baten azpitik igaro, eta bi leizeren artean dagoen zubi estu batean jarri.

Geruzen fronte estuak formatzen dute irudi sorta hau. Hauetako fronte batean daude irudi gehienak: zazpi bisonte, zaldi bat, sarrio bat, ahuntz bat eta, seguruena, uro bat, eremu marradun batzuez eta zeinuren batez gain.