22. Alfabetatzea eta alfabetatze-programak sustatzea, bultzatzea eta babestea liburutegien zereginak dira, eta hizkuntza nazionalean/nazionaletan alfabetatzea eta beste hizkuntza batzuetan alfabetatzea ere hartu beharko dituzte bere baitan.
    
    
23. Liburutegiak komunitatearentzat antolatutako gizarte- eta kultura-jarduerak, hala nola ipuin-kontaketak, kontzertuak, antzerkia eta erakusketak, talde etniko, linguistiko eta kultural guztiei zuzenduak izango dira.
    
    
24. Ezinduentzako liburutegi-zerbitzua, zerbitzua pertsonalki erabiltzen duten kasuetan, erabiltzaileak nahiago duen hizkuntzan eskainiko da, eta talde etniko, linguistiko eta kultural guztiei eskaini beharko zaie. Etxetik edo ospitaletik atera ezin direnei eta zentzatze-etxeetan dauden pertsonei eskaini beharrekoak ere sartzen dira zerbitzu honetan.
    
    
25. Liburutegiz kanpoko jarduerak erabiltzaileek aukeratutako hizkuntzetan bideratuko dira. Zerbitzu horien artean lantegietan eta beste lantoki batzuetan eskainitako zerbitzuak eta komunitateko talde etnikoei eskainitakoak sartzen dira.
    
    
26. Gutxiengo etniko, linguistiko eta kulturalei liburutegi-zerbitzuak erabiltzaileek ezagutzen dituzten tokietan eskainiko zaizkie, eta aldizkaturik, hala egitea posible den tokietan.
    
    
    

aurkibidera itzuli