11. Liburutegiek, materialak eskuratzen dituztenean, gizartearen osaketa etnikoa, linguistikoa eta kulturala islatzen duten materialak eta arrazen arteko berdintasuna eta harmonia sustatzen dutenak bilatu beharko dituzte.
    
    
    1. Erabiltzaile minoritarioaren hizkuntzan eskuratutako liburutegiko materialek beste kultura batzuk ezagutzeko eta ulertzeko aukerak eskaini behar dizkio erabiltzaileari.
       
       
    2. Liburutegiko materialen artean, eta gehiengoaren hizkuntzan inprimatuta, gutxiengo linguistikoei eta haien jatorrizko herrialdeei buruzko materialek egon beharko dute.
       
       
12. Liburutegiek hizkuntzak ikastea sustatu beharko dute, eta enfasi berezia jarri beharko dute hezkuntza-erakundeetan matrikulatuta ez dauden ikasleengan; era berean, liburutegiek lankidetza estuan jardun beharko dute tokian tokiko hezkuntza-erakundeekin, erabiltzaileei zerbitzuak eskaintzeko modurik onena ziurtatzeko.
    
    
    1. Liburutegiek hizkuntza nazionala/k eta beste hizkuntza batzuk ikastea erraztuko duten materialak eskaini beharko dituzte.
       
       
    2.  Material horiek gutxiengoen hizkuntzan/hizkuntzetan eta hizkuntza nazionalean/nazionaletan egon beharko dute, eta baliabide egoki guztiak eduki beharko dituzte.
       
       
    3. Liburutegien zeregina izango da hizkuntza nazionala/k eta beste hizkuntza batzuk ikasten ari direnen ikastaroak bideratzea eta sustatzea. 
       
       
13. Liburutegiek komunitatearen bizitzan parte hartu beharko dute, beren ekimenez, eta tokian tokiko ekitaldietan aktiboki parte hartuz, hala nola talde etniko, linguistiko eta kulturalen kultura-jardueretan, jaialdietan eta ospakizunetan.
    
    
    

aurkibidera itzuli