Lanetan honakoak agertu behar dira:

• D.L" laburtzapena gaztelaniaz (Depósito Legal) eta "L.G." laburtzapena euskaraz (Lege Gordailua).
• Lurraldeari dagozkion siglak: "VI" Arabarentzat, "BI" Bizkaiarentzat eta "SS" Gipuzkoarentzat.
• Lanari esleituriko zenbakia.
• Eta, azkenik, lege-gordailua eman zaion urtea.

Adibidea: 
D.L. VI-236-2005 gaztelaniaz
L.G. VI-236-2005 euskaraz

Leku honetan agertuko da:

• Liburu eta liburuxketan, ISBNren ondoan, azal-barrualdean edo eskubide-orrialdean.
• Egunkarietan eta egunkari-formatuko argitalpen seriatuetan, ale bakoitzaren goiburuan.
• Ikus-entzunezkoetan, karatula edo kaxa babesgarrian. Ikustekoak direnetan, gainera, lehendabiziko fotogrametan.
• Oro har, ongi ikusteko tokian eraman behar dute argitalpen guztiek.

Honakoak arau-haustetzat joko dira:

• Lana argitaratzea lege-gordailua eskatu gabe.
• Lana argitaratzea lege-gordailu faltsu edo osatugabe baten pean.
• Aginduzko aleak ez entregatzea.
• Izapidetze-epeak ez betetzea, bai aleak entregatzeko garaian bai luzapen eta baliogabetzeetan.

Gainera. komeni da jakitea…

ISBN (Liburuen Nazioarteko Zenbaki Normalizatua) eta ISSN (Argitalpen Seriatuen Nazioarteko Zenbaki Normalizatua) normalizaturiko zenbaki-kode nazioartekoak direla, hurrenez hurren lan baten eta argitalpen seriatu baten edizio jakin bat identifikatzen dutenak.
ISBN Agentzia http://agora.mcu.es/libro/agenciaisbn_f.asp?IdNivel=9

aurkibidera itzuli