Lege Gordailua da Bibliografia Institutu Hispanikoaren Araudia onartzen duen 1971ko urriaren 30eko Agindutik datorren betekizun bat, edonolako argitalpenek -duten euskarria dutela eta edozein dela erabiltzen duten banaketa-, alokatze- edo salmenta-prozedura-, ale bat dagokion erregistroan entregatzekoa. Gerora, agindu horretako artikulu batzuk aldatu ziren 1973ko otsailaren 23ko Aginduaren bitartez…

1971ko Aginduko 5. artikuluak honela dio:

"Lege Gordailuaren xede nagusia ekoizpen bibliografiko nazional osoa jasotzea da."

9. artikuluak honakoa dio lege-gordailua behar duten materiei buruz:

"Lege-gordailua behar dute lurralde nazionalean ekoitzitako idazki, estanpa, irudi eta musika-konposizioek, zabalkundeari begira eta ale anizkoitzetan prozedura mekaniko edo kimikoz egindakoek." Hauek, alegia:

• liburuek (saltzeko direnak zein ez direnak),
• liburuxkek, baldin merkaturatzeko ez badira (4 orrialde baino gehiago eta 50 baino gutxiago),
• orri inprimatuek (merkaturatzeko ez direnak)
• aldizkako argitalpenek (aldizkariak eta egunkariak),
• musika-partiturek,
• grabatuek (laminak, egutegiak, estanpak, kromoak, gabon-txartelak eta iragarkiak),
• mapek eta planek,
• ikuskizunek, jaiek eta gainerako ekintza publikoak iragartzeko kartelek, merkataritza gaiak iragartzekoek (arte-grabatuak badituzte),
• postal-txartel irudidunek,
• kartek,
• soinuzko inprimatze edo grabazioek, edozein dela erabilitako prozedura edo sistema, eta
• zinema-produkzioek (argumentuzkoak edo dokumentalak).

Betekizun horretatik kanpo daude: Postako seiluak, gizarte izaerako inprimakiak eta bulegokoak.

aurkibidera itzuli