Zer da Gazte Elkarteen Errolda?

   Eusko Jaurlaritzako Gazteria eta Gizarte Ekintzarako Zuzendaritzak sortutakoa 1986ko urtarrilaren 15eko Aginduaren bidez (EHAA zk. 13), fondo dokumentala dugu, helburutzat Euskal Autonomia Erkidegoan gazte-elkartegintzak bizi duen egoera jasotzea duena.

  
 Nor sar daiteke erroldan?

• Gazte-elkarteak.
• Gazteei zerbitzuak ematen dizkieten entitateak.
• Alderdi politiko, sindikatu, auzo-elkarte eta abarretako gazte-atalak
• Gazteen taldeak, batzordeak eta koordinakundeak.
• Gazteriaren Kontseiluak.

   Nortzuk daude erroldan?

• Araban erroldatutakoak elkarteak
• Bizkaian erroldatutako elkarteak 
• Gipuzkoan erroldatutako elkarteak
  

  Nola eta non sartu erroldan?
   
  Eskari-ereduak Eusko Jaurlaritzako Kulturako Lurralde Unitate guztietan jaso daitezke, eta ondoko dokumentazioarekin batera entregatu beharko dira:

• Eraketa Aktaren fotokopia.
• Elkartearen estatutuen fotokopia.
• Zuzendaritza Organoen osaketa.

   Era berean, Gazte Elkarteen eta Gazteriari Zerbitzuak ematen dizkioten Entitateen fitxa ere beteko da, Kulturako Lurralde Unitateetan jaso daitekeena.

   Erroldaren abantailak.

• Gazte-elkarte gisa interesgarria gerta daitekeen informazioa jasotzea.
• Kanpamenduen jarduerak eta antzekoak aldez aurretik jakinarazteko espedienteak tramitatzea.
• Beste elkarte edo taldeekin harremanak izateko aukera handiagoak.
• Gazte-elkarte edo -taldearen existentzia eta jarduerak jasota geratzea.
• Gazte-elkartegintzaren egoeraren etengabeko eguneratzea Euskal Autonomia Erkidegoan.
• Eusko Jaurlaritzako Gazteria eta Gizarte Ekintzarako Zuzendaritzak argitaratzen dituen elkartegintzari buruzko argitalpen edo gidaliburuetan azaltzea.
• Beharrezko den edozein tramitazio-mota arintzea.
• Eusko Jaurlaritzako Gazteria eta Gizarte Ekintzarako Zuzendaritzak edo beste hainbat Erakunde ofizialek eman ditzaketen dirulaguntzak eskuratu ahal izatea.
• Aterpekide-txartela (taldeko modalitatean) doan.  

   Lotutako informazioa: 3/1988 Legea, otsailaren 12koa, bazkunei buruzkoa (EHAA zk. 42).