Datozen hilabeteotan, Euskal Kulturaren Atari Interaktiboa jarriko du martxan Eusko Jaurlaritzako Kultura Sailak. Euskadi Informazioaren Gizartean planaren barruan kokatzen da proiektu hau, eta helburu nagusia da kultura-eragileekin eta, oro har, herritar guztiekin plataforma zabal bat eratzea interakzio eta komunikaziorako bide berrien bitartez kultura-adierazpen eta edukiak hedatzeko eta horietan parte hartzeko. Sektoreetako eragileekin batera (liburua, artea, musika, ikus-entzunezkoak eta ondarea) proiektua definitzeari irailean ekin ondoren, http://kulturklik.net/ bloga jarri da abian, herritarren, sortzaileen eta bitartekarien (enpresak, konpainiak, komunikabideak...) eskura dagoen sareko lan-gune gisara, Ataria garatzen jarraitzeko, eta irailaren amaieran amaituko da prozesua, aurkezpen ofizialarekin.
