Haitzuloaren sarrera, aurkitu zenean, arku beheratuaren itxura zuen,
1,20 m garai eta 2,30 zabal oinarrian.
Madalen aldiko margolariak zaila zuen haitzuloaren barne aldera sartzea.
Lehen alde estua igaro ondoren, ganga altxatu egiten da. Gune horretan,
historiaurreko gizona zutitu ahal zen eta handik aurrera oinez ibil zitekeen
haitzulo guztian zehar.
Ondoren, estalagmitazko zorua duen galeria baten abiagunea aurkitzen dugu,
gorantz, ibiltzeko erraza. Galeria hori Erdibide izendatu zuten.
Abiatu eta sei metrora, haitzuloko lehen irudia ageri da, pintura beltzeko marra
soil bat. Dena den, zaldi buru handi bat da lehen benetako irudia.
